Dhagayso:Xilka Qaadista Guuleed Ma Xaqbaa Mise Xal [Faallo Xiiso Leh]

Xildhibaanada baarlamaanka galmudug ayaa 8 dii bishaani January ee sanadka 2017 kulan ay ku yeesheen magaalada cadaado ee gobalka galgaduud waxa ay ku shaaciyeen in mooshin xilka qaadis ah ay ka keeneen madaxwaynaha galmudug cabdi kariin xuseen guuleed oo ay sheegeen in uu jabiyay dastuurka u yaala maamulka galmudug

Mooshinkaasi ayaa waxaa soo gudbiyay 50 xildhibaan oo ka tirsan baarlamaanka galmudug sida uu sheegay gudoomiye ku xigeenka koobaad ee baarlamaanka galmudug xareed cali xareed

Go.aanka Gudoomiyaha Baarlamaanka Galmudug

Ka Hor inta aysan mooshinka keenin baarlamaanka galmudug ayaa waxaa la fasaxay xildhibaanada baarlamaabka galmudug oo lagu waday in kala fadhigooda afaraad uu furmo 7dii bishaan January balse kala fadhigaasi dib loo dhigay sida uu ku dhawaaqay gudoomiyaha baarlamaanka galmudug cali gacal casir oo sheegay in 45 cisho oo fasax ah loogu daray baarlamaanka galmudug ayadoo la qaymaynayo xaalada adag ee haatan ka jirta deegaanada galmudug iyo guud ahaanba soomaaliya Laakiinse xildhibaanada baarlamaanka galmudug ayaa go.aankaasi dhag jalaq usiin waxayna si caadi ah kala fadhigooda afaraad ugu furteen magaalada cadaado oo ay kaga dhawaaqeen mooshin ka dhan ah madaxawayne guuleed
Aragtida Guuleed Ee Mooshinka Laga Keenay

C/kariin xuseen guuleed madaxwaynaha galmudug ayaa xiligaasi ku tilmaamay mooshinka laga keenay mid aan haboonayn wuxuuna sheegay in xiligaan lagu jiro xaalad kala guur ah
Baarlamaanka Galmudug Oo Xilka Ka Qaaday Madaxwayne Guuleed
Ka dib dood qaadatay mudo laba maalin ah 10 kii bishaan January xildhibaanada baarlamaanka galmudug ayaa kulan aan caadi ahayn oo ay ku yeesheen magalada cadaado waxa ay kaga doodeen mooshin baarlamaanka horyaalay oo ku saabsanaa in xilka laga qaado madaxwaynaha galmudug baarlamaanka ayaana ucodeeyay mooshinkaasi 54 xildhibaan oo ka tirsan baarlamaanka galmudug ayaa ucodeeyay in xilka laga xayuubiyo madaxwaynaha galmudug mana jirin cid diiday ama ka aamustay sida uu sheegay xareed cali xareed gudoomiye ku xigeenka koobaad ee baarlamaanka galmudug oo kala fadhiga shir.gudoominayay
Sharci Ahaanshaha Xilka Qaadista Madaxwaynaha Galmudug
Markii uu soo ifbaxay mooshinka xilka looga qaaday madaxwaynaha galmudug ayaa waxaa dhashay muran ku aadan sharci ahaanshaha mooshinkaasi xilka qaadista ah maadaama uusan joogin gudoomiyaha baarlamaanka galmudug oo safar ugu maqnaa magaalada muqdisho ayna ahayd kala fadhiga in uu furo gudoomiyaha baarlamaanka balse gudoomiyuhu uu baarlamaanka fasaxay hasayeeshee baarlamaanka galmudug ayaa sheegay in mooshinka xilka looga qaaday madaxwayne guuleed uu yahay mid sax ah
Madaxwaynaha Galmudug Oo Ka Hor Yimid In Xilka Laga Qaaday

Madaxwaynaha galmudug c/kariin xuseen guuleed ayaa durbaba ka hadlay mooshinka xilka looga xayuubiyay wuxuuna ku tilmaaamay mid aan sharciyaysnayn maadaama baarlamaanka la fasaxay dadka mooshinkaasi wadayna ay ahaayeen kuwo qaswadayaal ah sida uu ku andacooday c/kariin xuseen guuleed madaxwaynaha galmudug
Go.aanka Gudoomiyaha Baarlamaanka Galmudug
Cali gacal casir waa gudoomiyaha baarlamaanka galmudug wuxuu sheegay in baarlamaanka uu u kordhiyay waqtiga fasaxa ayna fasax ku jiraan xildhibaanada baarlamaanka galmudug ayadoo la qaymaynayo abaaraha ka jira deegaanada galmudug iyo doorashooyinka dalka haatan ka socda maamulka galmudug ayuu ku tilmaamay mid curdun ah oo aan wali hana qaadin uuna wado dadaalo badan balse aysan ahayn in laga hordhaco
Aragtida Shacabka Galmudug Ee Xilka Qaadista Guuleed
Go,aanka ay baarlamaanka galmudug xilka kaga qaadeen madaxwayne c/kariin xuseen guuleed ayaa waxaa siyaaba kala duwan uga hadlay shacabka galmudug ayagoo inta badan soo dhaweeyay in xilka laga qaado guuleed balse aysan waqtigaan adag ku haboonayn baarlamaankana looga baahnaa in ay dib udhigaan mooshinkaasi
Wax Qabadkii Galmudug Looga Fadhiyay
Maamulka galmudug ee uu hormuudka ka yahay madaxwayne c/kariin xuseen guuleed oo xilkaas loo doortay 4 July , 2015 oo haatan laga joogo mudo ku dhow laba sano ayaa laga sugayay in uu wax badan u qabto bulshada gobalada dhexe gaar ahaan gobalada mudug iyo galgaduud oo maamulka loo dhisay wuxuuna maamulka galmudug haystay fursado badan oo ay ka mid ahayd dadka gobalada dhexe oo lagu xaman jiray in ay aad udiidi jireen dawladnimada oo markii ugu horaysay usoo jeestay in ay wax qabsadaan oo la tartamaan dalka intiisa kala balse dadka falaqeeya siyaasada galmudug ayaa sheegaya in maamulka galmudug ee uu madaxawaynaha ka yahay c/kariin xuseen guuleed uusan ka faa.idaysan fursadihii horyaalay

Maamulka galmudug ayaa laga sugayay hormarinta deegaanada galmudug iyo dib uhashiisiin uu dhex dhigo dadka reer galmudug ee mudada dheer dirirtu ka dhaxaysay balse maysan dhicin taas
Maxay La Kowsatay Galmudug

Maamulka Galmudug ayaa la kowsaday dagaalo iyo dhibaatooyin hor leh oo aan horay uga jirin deegaanada galmudug xataa markii aysan maamulka lahayn

Dagaalo dhowr ah ayaa ka dhacay deegaano ka tirsan galmudug intii uu xilka hayay c/kariin xuseen guuleed sida dagaalkii uu dhiiga badan ku daatay ee gaalkacyo oo dhacay dhowr jeer una dhexeeeyay galmudug iyo puntland kii ka dhacay xadka galmudug iyo kilinta shanaad iyo dagaalo dhex maray galmudug iyo ahlusuna oo ilaa iyo haatan haysata caasimada galmudug ee dhuusamareeb lagana sugayay in maamulka galmudug uu wada hadal la furo maamulkaasi laakiinse aan lagu guulaysan oo ilaa iyo haatan ahlusuna ay tahay koox si gaar ah uga gadoodsan galmudug

Dhinaca kaabayaasha dhaqaalaha iyo hormarintooda ayaa sidoo kale looga fadhiyay maamulka galmudug sida dhismaha dakada hobyo oo haatan ushaqaysa si kmg ah in kastoo madaxwaynaha galmudug uu dhagax dhigay dhisme cusub oo lagu samaynayo dakada hobyo balse ilaa iyo haatan ma jirto wax dhismaha ah oo dakada hobyo lagu bilaabay
Gunaanad Su,aaasha Is Waydiinta Mudan
Isku soo wada duuboo dadka reer galmudug iyo kuwa soomaaliyeed ayaa siyaaba kala duwan u arka mooshinka xilka looga qaaday madaxwaynaha galmudug c/kariin xuseen guuleed waxayna qaar kood ku tilmaameen mid xaq ah halka kuwo kalana ay ku sheegeen mid xal loo arkay balse su.aasha wali taagan ayaa ah xilka qaadista guuleed ma xaqbaa mise xal

Halkaan Hoose Ka Dhagayso Warbixinta Oo Dhamaystiran uuna Soo Jeedinayo Wariye Mahad America

Fikradaha Akhristayaasha (0)




Wararkii Ugu Danbeyay

Daawo Sawirada Wafdi Heer Calami ah oo Dhuusamareb ka Soo Dagay
- Apr 23, 2018
Waxaa Maanta Magalada Caasimada Ah Ee Dhuusmareb Soo Gaaray Wafdi Kasocda Qaramada Midoobay Gaar ...
Dhacdo Ugub ah Lamaane is Qaba oo isku mar ay Nafta ka Wada Baxday duleedka Degmada Caabudwaaq
- Apr 23, 2018
Wararka naga soo gaaraya Magaalada Caabudwaaq ee Waqooyiga gobolka Galgaduud ayaa waxa ay sheegayaan ...
Daawo Sawirada Dagaal Ka Dhacay Xerada Imaaraadka Ee Muqdisho Iyo Faah Faahin…
- Apr 23, 2018
agaal u dhaxeeyey Ciidamo kawada tirsan dowladda ayaa la sheegay in uu ka dhacay ...
Waraysi Muqaaal Gudoomiyaha Gudiga Gob Maxamed Cabdulkaadir Shirwac oo ka Hadlaya Dadaalkii laga Soo Maray Dhismaha Wadada Gaalkacyo iyo Hobyo , iyo Kaalinta Jaaliyadaha Galmudug ee Dibada ay arintasi uga Jiran
- Apr 23, 2018
Gudoomiyaha Gudiga Gob Maxamed Cabdulkaadir Shirwac ayaa axa uu marti ku ahaa barmaamijka Arimaha ...
Aktarad caan ah oo Diiday in ay Tagto Xaflad Wayn oo Abaal marin lacageed Lagu Gudoonsiin Laha Maxay Tahay Sababtu?
- Apr 23, 2018
Aktaradda Mareykanka ah ee uu asalkeedu yahay Israel ,Natali Bortaman , ayaa diidday inay ...
DaawoDhismaha Wadooyin Muhiim ah oo ka socda Magaalada Hobyo
- Apr 23, 2018
Wadooyinka la dhisayo waxaa kamida ah kuwa magaalada Dhex mara isla markana aada dhanka ...
Muqdisho oo 3-Milyan ku nool yihiin oo DF lagu amray iney cadeyso Maqaamkeeda
- Apr 23, 2018
Nuur Ismaaciil Shiikh oo ka mid ah aqoon yahaanada iyo siyaasiinta magaalada Muqdisho oo ...
Qarax ka dhacay Misaajid ku yaalla magaalada Bama ee dalka Nigeria
- Apr 23, 2018
Wararka ka imanaya dalkaasi Nigeria ayaa sheegaya in dad isa soo miidaamiyay ay ugu ...
SAWIRRO: Qofka ugu da’da weynaa Caalamka oo geeriyootay, Imisa sano jir bay aheyd?
- Apr 22, 2018
Dalka Japan waxaa ku geeriyootay Nabi Tajima, oo dhalatay Bishii  August 4dii ee Sanadkii,1900,kii waxaana ...
Daawo Muwaadin Somali-Canadian Muddo 11-Sanno Ku Xirnaa Ethiopia Oo Dib Ugu Laabtay Kanada
- Apr 22, 2018
Bashiir Makhtal Daahir oo 49-jir ah ayaa bishan April 18-dii laga sii daayey Xabsi ...
Imaaraadka oo Agabkii ka yaalay Muqdisho ku raranaya Markab ku xiran Dekadda (Daawo Sawirro)
- Apr 22, 2018
Dowlada Imaaraadka Carabta ayaa agabkoodii muhiimka ahaa ee u yaalay magaalada Muqdisho bilawday in ...
Madaxweynaha Iran oo ku hanjabay in ay talaabo aan la malayn karin qaadi doonaan hadii Maraykanku ka baxo heshiiska nukliyeerka
- Apr 22, 2018
Madaxweynaha Iran, Xasan Ruuxaani, ayaa ku hanjabay in dalkiisu diyaar u yahay in uu ...
C/Qeybdiid”midnimo iyo wada jir dalkaan kama dhaceyso inta dad xaqooda la dafirayo”
- Apr 22, 2018
Kulan lagu sagootinayay gudoomiyayaahsa baarlamaanada ee maamul gobalaeedyada dalka ka jira iyo gudiyada madaxa ...
Gabar lix bil keliya jirta oo Hindiya lagu kufsaday Kadibse Maxaa dhacay?
- Apr 22, 2018
Gabar lix bilood jir ah ayaa lagu kufsaday laguna dilay gobolka Madhya Pradesh ee ...
40 sano kadib Filimkii ugu horeeyay oo Maanta fagaare lagu daawanayo Sacuudiga (Sawirro)
- Apr 22, 2018
Boqortooyada Sacuudiga ayaa sii deysay filimkii ugu horeeyay oo laga baahiyo goob fagaare ah ...
>
 
Advertisements