War Deg Deg ah Madaxweynaha Galmudug Cabdi Karin Xusen Gulled oo...

War Deg Deg ah Madaxweynaha Galmudug Cabdi Karin Xusen Gulled oo Xilka laga Qaaday

0
SHARE

Baarlamaanka Galmudug ayaa u codeeyay in kalsoonida ay kala noqdaan madaxweynaha maamulka Galmudug Cabdikariin Xuseen Guuleed.

54 xildhibaan oo ka mid ahayd 59 ka qeybqaadatay codeynta ayaa meelmariyay in madaxweyne Guuleed xilka laga qaaado.

In ka badan konton xildhibaan oo ka tirsan baarlamaanka maamulka Galmudug ayaa mooshin ka keenay madaxweyne Guuleed oo ay ku eedeeyeen in uu joojiyay hawlihii maamul goboleedka.

Shir ay ku yeesheen mudanayaasha baarlamaanka Galmudug magaalada Cadaado shalay ayay mooshinkaasi ugu gudbiyeen gudoomiye kuxigeenka 1-aad Xareed Cali Xareed.

Xareed ayaa sheegay in la soo magacaabi doono guddi doorasho oo soo diyaarin doono doorashada madaxweyne cusub. Wuxuu sheegay in inta ka horreysay doorashadaasi uu madaxweyne ku xigeenka noqon doono ku sime madaxwyene.

 

Cabdikariin Xuseen Guuleed, ayaa maalintii shalay ka codsaday xildhibaanada Galmudug inay ka laabtaan mooshinkii ay kasoo gudbiyeen, balse xildhibaanada ayaa dalabkaasi ku gacanseyray.

Ma jiro wax war ah oo ka soo baxay xafiiska madaxweynaha Galmudug C/kariin Xuseen Guuleed.

LEAVE A REPLY