Ciidamada Myanmar oo gubay xaafado kale oo ay deggan yihiin Muslimiinta Rohingya

Ciidamada Myanmar oo gubay xaafado kale oo ay deggan yihiin Muslimiinta Rohingya

0
SHARE

Wararka ka imaanaya dalka Myanmar ayaa sheegaya in xaafado badan oo ay deggan yihiin Muslimiinta Rohingya ee dalkaasi dab la qabad siiyay, iyadoo dadku ay u qulqulayaan dhanka xadka Bangladesh si ay uga baxsadaan qalalaasaha socda.

Qiiq ka baxaya ayaa la arkayaa xaafado ku yaalla galbeedka Myanmar halkaas oo ciidamadu ay ka bilaabeen olole ka dhan ah maleeshiyaadka Rohingya. Hay`adda arrimaha qaxootiga ee UNHCR ayaa sheegeysa in toddobaatan kun oo qof oo dheeri ah ay u qaxeen dalka Bangladesh.

Qaxootiga Rohingya ayaa sheegay in ciidamadu ay dab qabad siiyeen guryahooda ayna toogteen, balse dowladda Burma ayaa dafirtay arrintaasi waxayna ku eedeysay maleeshiyaadka Rohingya inay yihiin kuwa sababaya rabshadda.

Xadka dhanka Bangladesh, waddooyinka iyo xaafadaha ayaa waxaa buux dhaafiyay qaxooti, iyadoo hay`adaha gargaarku ay ay ka digayaan cunno yaraan ba`an.

LEAVE A REPLY