Daawo Xeer Ilaaliyaha oo dacwad Qaran Dumis ah ku soo oogay Labo...

Daawo Xeer Ilaaliyaha oo dacwad Qaran Dumis ah ku soo oogay Labo Xildhibaan ka tirsan Golaha shacabka

0
SHARE

Xeer Ilaaliyaha Guud ee Qaranka Axmed Cali Daahir oo goor dhow shir jaraa’id ku qabtay magaalada Muqdisho ayaa dacwad ku soo oogay labo ka mid ah Xildhibaanada Golaha shacabka, kuwaasoo lagu eedeeyay inay galeen fal dambiyeed.

Dr. Axmed Cali Daahir ayaa faray Hey’addaha sharci fuliyeyaasha, sida Booliska iyo hoggaanka Baarista dambiyaya in wixii maanta ka dambeeya ay waajibaadkooda gutaan.

Waxaa uu sheegay in Guddoomiyaha Golaha shacabka iyo Baarlamaanka ay u gudbiyeen qoraal cadeynaya labo Xildhibaan oo galay fal dambiyeedyo waa weyn, sida abaabul iyo sharci darro qaran dumis, isla markaana cadeymahooda oo dhameystiran la haayo

Dr. Axmed Cali Dahir ayaa dalbaday in Xildhibaanada kala ah Xasan Macalin Maxamuud iyo Cabdi Saabir Nuur Dhuuriye laga qaado xasaanada, si loo horgeeyo sharciga.

“Xildhibaanada kala ah Xasan Macalin Maxamuud iyo Cabdi Saabir Nuur Shuuriye waxay galeen dambiyo qaran dumis, waa in xasaanada laga qaadaa, baaris dheer kaddib waxaa ku cadaatay dowlad dumis iyo inay dhaqaale ka soo qaateen dowlado shisheeye”ayuu yiri Xeer Ilaaliyaha Guud ee Qaranka.

Daawo shirka jaraa’id ee xeer Ilaaliyaha Qaranka

xeer ilaaliyaha

DEG DEGXeer ilaaliyaha Guud Ee Qaranka Dr Axmed Cali daahir oo Goordhaweyd Shir jaraaid ku qabtey Xafiiskiisa ayaa sheegay in baaris lagu sameynayo Xildhibaano ka tirsan Baarlamaanka Soomaaliya oo lagu tuhmayo Dowlad DumisXeer ilaaliyaha Guud ayaa Sheegay in Gudoonka Baarlamaanka ay ugudbiyeen Warqad ay kaga dalbanayaan in Xasaanada laga qaado Labada Xildhibaan Ee kala ahXasan macalin maxamuud iyo Abdi saabir Nuur shuuriyeXeer ilaaliyaha Ayaa ku eedeyey Xildhibaanadan in ay Dhaqaalo Dowlada lagu duminayo ka soo qaateen Dowlado Shisheeye

Posted by Universal Somali TV on Sunday, December 17, 2017

LEAVE A REPLY