XOG: Xildhibaanada ka soo jeeda magaalada Cadaado oo Go’aan lama filaan ka...

XOG: Xildhibaanada ka soo jeeda magaalada Cadaado oo Go’aan lama filaan ka qaatay shirka Dh/maree

0
SHARE

Magaalada Dhuusamareeb ee Xarunta Galmudug waxaa ka soconaya Shir u dhaxeeya Madaxda ugu sareyso Maamulka Galmudug, si ay u dhameystiraan howlaha Geeddi socodka Galmudug.

Gudoomiyaha Baarlamaanka Galmudug Cali Gacal Casir ayaa Xildhibaanada Baarlamaanka Maamulkaasi ugu yeeray in ay Tagaan Magaalada Dhuusamareeb si iyanna ugu qeyb qaataan howlaha soconaya.

Mudanayaasha kasoo jeeda Magaalada Cadaado ayaa kasoo horjeystay Shirarka Caasimadda ka soconaya, waxa ayna ku tilmaamay kuwo sharciga Galmudug iyo heshiiskii Madaxda Maamulkaasi iyo Beesha ay kasoo jeedaan kasoo horjeeda.

Waxa ay madaxda dowladda oo uu ugu horeeyo Madaxweynaha Soomaaliya, goob joogna ka ahaa heshiiskaasi ku wargeliyeen in ay la socdaan in heshiiskii Cadaado uu baalmarayo Madaxweynaha Galmudug.

Xildhibaanada ayaa soo jeediyay in la dhowro Dastuurka Galmudug, waxa ayna Madaxweyne Xaaf ugu baaqeen in uu Xildhibaanada u daayo Arrimaha Dastuurka.

Waa ay sii hadleen waxa ayna sheegeen in ku sugnaanayaan Magaalada Cadaado, Maadaama Heshiiskii la gaaray 23-kii Janaayo uu dhigayay in Xildhibaanada ay ku shaqeeyaan Magaalada Cadaado, halka Maamulka intiisa kalana uu ku shaqeeyo Dhuusamareeb.

Magaalada Dhuusamareeb tan iyo shalay waxaa ka soconaya kulamo u dhaxeeyo Madaxweynaha, Madaxweyne ku xigeenka, Gudoomiyaha Baarlamaanka iyo Madaxa Xukuumadda Galmudug, iyagoona kaga arrinsanaya sidii Maamulka uu ugu guuri lahaa Magaalada Dhuusamareeb.

LEAVE A REPLY