DEG DEG:-Qarax Goordhow Ka Dhacay Magalada Muqdisho

DEG DEG:-Qarax Goordhow Ka Dhacay Magalada Muqdisho

0
SHARE

Jugta qaraxaan ayaa goordhow waxaa laga maqlay xaafad ka tirsan degmada Waaberi ee Gobolkaan Banaadir,waxana la sheegayaa in qaraxaasi uu ka dhashay khasaaro dhimasho ah.

Qaraxa ayaa waxa uu ka dhacay Waaxda Maajo gaar ahaan Xaafada  Afizooni ee degmada Waaberi,waxaana ka soo baxaya Warar kala duwan,wararka qaar ayaa waxa ay sheegayaan in uu qarxay gaari marayay Xaafada Afizooni oo ku dhow Suuqa Beerta halka wararka qaar ay sheegayaan in uu ahaa miino nooca dhulka lagu aaso ah oo lala bartil maameedsaday gaariga.

Inta la xaqiijiyey ilmo yar oo 10 jir ah ayaa qaraxaasi ku dhintay kaas oo ku sugnaa goobta uu qaraxa ka dhacay,sida ay xaqiijiyeen goobjoogayaal iyo masuuliyiin ka tirsan Maamulka degmada Waaberi.

Goobta uu qaraxa ka dhacay ayaa waxaa gaaray masuuliyiin ka tirsan Maamulka degmada,iyaga oo sheegay in ay baaritaan ku sameyn doonaan nooca qaraxa iyo cida lala beegsaday.

Wixii ku soo kordha kala soco hobyomedia.com 

LEAVE A REPLY