DEG Qarax dhimasho geystay oo goor dhow ka dhacay Magaalada Muqdisho

DEG Qarax dhimasho geystay oo goor dhow ka dhacay Magaalada Muqdisho

0
SHARE

Qarax ayaa goor dhow oo galabnimadan ah waxaa uu ka dhacay wadada Maka Al-Mukarama ee magaalada Muqdisho gaar ahaan agagaarka isgoyska Sayidka.

Sida Wararku nagu soo gaarayaan gaari noociisu ahaa carib oo qarax loogu soo xiray qofkii lahaa ayaa si lama filaan ah ugu qarxay agagaarka sayidka.

Goob joogayaal ayaa sheegaya in qaraxa ka dib uu gaarigu ka kacay dab aad u xoogan, waxaana goobta gaaray gaadiidka dab demiska iyo ciidamada amaanka oo goobta xiray.

Qofkii watay gaariga ayaa la soo sheegayaa inuu ku dhintay qaraxaas halka labo kale ay ku dhaawacmeen, welina lama oga waxaa uu ahaa qofka dhintay iyo sababta loo beegsaday.

Goobta qaraxu ka dhacay ayaa u dhow isgoyska Sayidka oo qaraxyo is-miidaamin ah ay horey uga dhaceen, waxayna sidoo kale kaabiga ku heysaa Wasaaradda amniga xukuumadda oo degan xarunta Otto Otto ee halkaas ku taalla.

LEAVE A REPLY