Dhageyso:-Wasiiro & Xildhibaano Baaq Kasoo Saaray Dagaal Beeleedyada ka socda gobalka Galgaduud...

Dhageyso:-Wasiiro & Xildhibaano Baaq Kasoo Saaray Dagaal Beeleedyada ka socda gobalka Galgaduud ee galmudug

0
SHARE

Wasiirka Waxbarashada, Hiddaha iyo Tacliinta sare ee Xukuumadda Federaalka Soomaaliya Mudane Cabdulaahi Goodax Barre iyo Xildhibaano ka tirsan Baarlamaanka Soomaaliya ayaa kulan ay ku yeesheen Magaalada Muqdisho waxay baaq Nabadeed ugu direen Beelaha Walaalaha ee ku dagaalamay Deegaano ka tirsan Gobalada Hiiraan iyo Galgaduud.

Qaar ka mid ah Xildhibaanada Kulanka ka hadlay ayaa u tacsiyeeyay Ehalada dadkii ku geeriyooday dagaaladaasi, iyagoona codsaday in si deg deg ah loo joojiyo, waxayna sheegeen inay diyaar u yihiin inay tagaan goobaha lagu dagaalamay isla markaana ay ka qeyb qaataan sidii dagaalka loo joojin lahaa.

Wasiirka Waxbarashada, Hiddaha iyo Tacliinta sare ee Xukuumadda Federaalka Soomaaliya Mudane Cabdulaahi Goodax Barre ayaa ugu baaqay Culimada, Nabadoonada iyo Qeybaha kala duwan ee Bulshada inay u istaagaan joojinta dagaaladan.

Akhriso:-Guddiga Doorashada Guddoonka cusub ee Baarlamaanka Puntland oo la magacaabayJan 2, 2019

“Nabadoonada iyo samadoonada labadaas deegaan runtii idinka ayay hawshan idin taalaa idinka ayaa dadkii hogaan u ah idinka ayaa la rabaa inaad nabad ku soo dabaalisaan,  xildhibaanada labada dhibnac waxaan ka codsanayaa inay abuuraan dadaalo soo dedejinaya in colaadahaasi ay joogsadaan”.ayuu yiri Wasiir Goodax.

Dowlada Federaalka Soomaaliya ayaa dhawaan Wafdi Nabadeed uu hoggaaminayo Wasiirka Arrimaha Gudaha Xukuumadda Federaalka Soomaaliya u dirtay deegaanada Colaad beeleedyada ay ka dhaceen waxaana hada socda Dadaalo lagu joojinayo Dagaaladaasi.

Hoos Ka Dhageyso Codka Wasiirka Waxbarashada Soomaaliya

LEAVE A REPLY