Sawirro:-Askarta Yuhuudda Oo Toogasho Ku Dilay Gabar Reer Falastiin

Sawirro:-Askarta Yuhuudda Oo Toogasho Ku Dilay Gabar Reer Falastiin

0
SHARE

Wasaaradda Caafimaadka ee Maamulka Falastiin ayaa xaqiijisay inay Askarta Yuhuuda ay saakayto toogasho ku dileen Gabar Falastiiniyad ah oo la oran jirey Samaah Saahir Mubaarak oo 16-jir ahayd.

Askarta Yuhuudda ayaa la sheegay inay Gabadhaasi ku toogteen Bar Kontorool oo lagu magacaabo Al-zaayim oo ah dhabaha laga galo  dhulalka dadka Yuhuudda sida sharci-darradda loo dejiyey ee Maale Aduumin ee Bariga magaalladda quddus-ta la-haysto.

Afhayeen u hadlay Askarta Yuhuudda ayaa sheegay inay Gabadhaasi toogteen, xilli  iyadoo tooreey wata u soo caratay dhanka ay joogeen  Askar ku sugnaa Barta Kontoroolka ee Al-zawiim.

Marxuumadda oo ka soo jeeday magaalladda Ramallah ayaa la sheegay inay u geeriyootay dhaawacyadii rasaastii lagu furay.

Dhinaca kale, Askarta Yuhuudda waxay si Ku-meel-gaar ah u xireen Barta Kontoroolka ee ay ku dileen gabadhaas da’da yar ee Reer Falastiin.

LEAVE A REPLY