Wadanka iiraan Weerar khasaare geystay oo lagu qaaday Xero ciidan

Wadanka iiraan Weerar khasaare geystay oo lagu qaaday Xero ciidan

0
SHARE

Muuq baahiyaha ku hadla afka dowladda Iran oo fadhigiisu yahay Magaalada Tehran ayaa baahiyay in dabley hubeysan ay weerar gaadmo ah ku qaadeen mid kamid ah xerooyinka ciidamada Milateriga dalkaasi.

Muuq baahiyaha oo soo xigana saraakiisha ammaanka dalkaasi ayaa shaaciyay in koox hubeysan oo aanan heybtooda la garaneyn ay saakay aroortii weerar ku qaadeen saldhiga ciidamada Milateriga ee Basij paramilitary oo ku yaalla magaalada Nikshahr  oo dhanka Koonfured kaga beegan Magaalada Caasimada u ah dalkaasi ee Tehran.

Weerarka ayaa dhacay xili ciidamada ay ku mashquulsanaayeen salaanta Calan saarida oo subax waliba aroortii ay sameeyaan ciidamada dalkasi, waxaana lasoo warinayaa in uu ka dhashay khasaare dhimasho iyo dhaawac isugu jiro.

Sarkaal u hadlay ciidamada la weeraray ee Iran ayaa xaqiijiyay dhimasha hal ruux iyo dhaawaca Shan ruux hase ahaatee ma uusan sheegin faahfaahin intaasi dheer.

Warbaahinta gudaha ee dalkaasi Iran ayaa iyagana baahiyay in khasaaraha ka dhashay weerarkaasi uu intaasi ka badanyahay waxa ayna soo xiganayeen dadka deegaanka.

Magaalada la weeraray ee  Nikshahr waxa ay ka mid tahay gobolka Sistan-Baluchistan, tododbaadkii ina dhaafay Magaalada Zaheden oo isla gobolkaani ah waxaa ka dhacay weerar loo adeegsaday bambaanooyin oo ay ku dhaawacmeyn Saddex ruux oo Boolis ah.

Weerarkaani ilaa iyo haatan ma jirto cid sheegatay hase ahaatee midkii kan ka horeeyay ee isla gobolkaasi ka dhacay waxaa sheegtay koox ka macaashta ka ganacsiga waxyaabaha maanka dooriya.

Bishii Disember ee sanadkii tagay weerar qarax ku bilaawday oo loo adeegsaday gaari waxlaha qarxa laga soo buuxiyay ayaa lagu qaaday saldhiga ugu weyn ee ciidamada Booliska dalkaasi lagaga taliyo ee Magaalada Dekada leh ee Chabahar, waxaana weerarkaasi ku geeriyooday labba sarkaal oo Booliska la weeraray ka mid ahaa waxaana ku dhaawacmay 42 Ruux oo shacab iyo Boolisba isugu jiray.

XIGASHO: Washitonpost.

LEAVE A REPLY