Wararkii ugu dambeeyay Xiisad ka taagan Magaalada Cadaado & Dagaal laga cabsi...

Wararkii ugu dambeeyay Xiisad ka taagan Magaalada Cadaado & Dagaal laga cabsi qabo

0
SHARE

Magalada Cadaado ee Gobolka Galgaduud waxaa ka taagan xiisad ka dhalatay kadib markii Ciidamo ka tirsan kuwa NISA ay xalay la wareegeen Xarunta Madaxtooyada Galmudug ee Magalada Cadaado.

Ciidamadaas ayaa mas’uuliyiin ka tirsan Galmudug waxa ay sheegeen inay tahay mid fowdo looga abuurayo deegaanada Galmudug,islamarkaana si awood ah ay kula wareegeen Xarunta Madaxtooyada Galmudug ee Magalada Cadaado.

Jawiga Magalada Cadaado ayaa Maanta ka duwan sidii shalay,waxaana ku sugan Ciidamada Nabadsugida qeybta Galmudug iyo kuwo ka tirsan Daraawiishta Galmudug oo horay Gacanta ugu haayay Xarunta Madaxtooyada.

Arrintaan ayaa dad badan waxa ay aaminsan yihiin inay salka  ku heyso khilaafka weli ka dhex taagan Dowladda Federaalka Soomaaliya iyo Madaxda Galmudug,iyada oo sidookale ay jirto in Madaxda Galmudug khudhooda uu khilaaf ka dhex jiro,isla markaana ay kala degan yihiin Magaalooyinka Cadaado iyo Dhuusamareeb.

Qaar ka mid ah waxtgaradka Magalada Cadaado ayaa waxa ay u sheegeen inay xiisadaas ku baxeen,islamarkaana ay doonayaan in dagaal uusan Magalada ka dhicin,waxaana Maanta Magalada Cadaado laga dareemayaa xiisadaas.

LEAVE A REPLY