Xog Culus Maxaa ka khaldan Diyaaradda rakaabka ee Boeing 737 MAX 8..?...

Xog Culus Maxaa ka khaldan Diyaaradda rakaabka ee Boeing 737 MAX 8..? (11 Dal oo joojiyey Duulimaadkeeda)

0
SHARE

Su’aallo badan ayaa ka dhashay badbaadadda nooceedu yahay Boeing 737 MAX 8, kadib markii ay ku dhacday dalka Itoobiya 10-kii Maarso iyadoo ay ku dhinteen 157 qof oo saarnaa.

Shilka qabsaday diyaaradda Ethiopian Airlines ayaa yimid shan bilood gudaheed markii ay dhacday diyaarad kale oo nooceeda ah, taasoo ku dhacday dalka Indonesia iyadoo ay lahayd shirkadda Lion Air, waxaana diyaaraddaasi ku dhintay 189 qof oo saarnaa.

Shirkada Boeing ee diyaaraddan sameysay ayaa baaritaanta ka kaalmeyneysa Haya’dda socdaalka Itoobiya, iyadoo baaritaankii hore ee dalka Indoneisa aan faahfahain laga bixin, waxaana shakigan uu keenay in shirkado badan ay joojiyaan adeegsiga diyaaradan ilaa inta laga hubinayo xaaladeeda.

Shirkadaha diyaaradaha Itoobiya, China, Indonesia, South Africa, Thialand, Mexico, Comoro, Singapore, Argentina, Mexico iyo Brazil ayaa hakiyay isticmaalka diyaaraddaasi Boeing 737 Max 8; laakiin waxa duulimaadkeeda sii wada shirkado kale oo diyaaraddan 737 Max 8 adeegsada sida Mareykanka, Norway, UAE iyo dalal kale kadib markii shirkadda Boeing ay sheegtay in ay ammaan tahay.

Saamiyada shirkadda Boeing ayaa Isniintii hoos u dhacay 13% kadib markii uu shilku qabsaday diyaaradda Ethipian Airlines, waxaana dowladda Mareykanka ay sheegtay inay baaritaan dheeraad ah sameyneyso. Suuqa ugu weyn ee diyaaraddan ayaa ah dalka Shiinaha iyadoo jug xoog leh ay soo gaareyso shirkadda Boeing.

Wasiirka gaadiidka Mareykanka Elaine Chao ayaa sheegay in la qaadi doono tallaabo degdeg ah oo macquul ah haddii diyaaraddaasi lagu arko wax cillad ah oo sababaya in ay mar kastaa burburto.

Diyaaraddan ayaa ah nooc cusub oo suuqa soo gashay sanadkii 2017, waxaana iibsaday shirkado fara badan oo u xishay isticmaalka shidaalka oo la yareeyay, laakiin nidaamyada ay ku shaqeyso ayaa la sheegay inaysan weli duuliyeyaasha tababarro buuxa u heysan.

LEAVE A REPLY