Dagaalo ka dhacay gobolka Shabeellaha Hoose & faah faahin kasoo baxeysa

Dagaalo ka dhacay gobolka Shabeellaha Hoose & faah faahin kasoo baxeysa

0
SHARE

Wararka naga soo gaaraya Gobolka Shabeellaha Hoose ayaa waxaa ay sheegayaan in dagaal culus oo u dhaxeeyay Ciidamada Dowladda iyo kuwa AMISOM oo dhinac ah iyo Al-Shabaab ay ka dhaceen deegaano ka tirsan gobolkaas.

Dagaalka koowaad ayaa la sheegay in uu ka dhacay degmada Qoryooleey ee Gobolkaasi Shabeellaha Hoose,kadib markii Al-Shabaab ay weerareen Saldhig Ciidamada AMISOM ku leeyihiin degmadaas,waxaana halkaasi ka dhacay dagaal mudo socday.

Khasaaro ayaa la sheegay in dagaalka labada dhinac uu kasoo gaaray,waxana goobjoogayaal sheegeen inay maqlayeen dhawaqa rasaasta ay isku adeegsanayeen labada dhinac,hayeeshee aysan cadeyn karin khasaaraha rasmiga ah ee ka dhashay maadaama ay aheyd xilli habeen ah.

Dhinaca kale Ciidamada Dowladda iyo Al-Shabaab ayaa waxaa ay ku dagaalameen deegaanka Sabiid ee Gobolka Shabeellaha Hoose,waxaana dagaalka uu yimid kadib markii Al-Shabaab ay weerareen saldhiga Ciidamada Dowladda ay ku leeyihiin deegaankaas.

Al-Shabaab ayaa warar ay ku qoreen Baraha Internet-ka waxa ay ku sheegeen inay mudo kooban la wareegeen saldhiga Ciidamada dowladda ku leeyihiin Buundada Sabiid,hayeeshee majirto warar madax banaan oo xaqiijinaya sheegashay Al-Shabaab.

Sarkaakiil ka tirsan Ciidamada Dowladda Soomaaliya ayaa waxaa ay sheegeen inay iska difaaceen weeraradii kaga yimid dhinaca Al-Shabaab,isla markaana ay khasaaro xooggan ku gaarsiiyeen sida ay hadalka u dhigeen.

LEAVE A REPLY