XOG: Farmaajo oo ka Careysan Qorshe Kenya hoos ugu dhigtay Damaciisa &...

XOG: Farmaajo oo ka Careysan Qorshe Kenya hoos ugu dhigtay Damaciisa & Itoobiya oo ka Faa’iideysaneysa

0
SHARE

Xog gaara oo ay heshay Saxaaafada ayaa sheegeysa in Madaxweynaha Soomaaliya Maxamed Cabdulaahi Farmaajo uu ku dhaqaaqayo Qorshe kale kadib markii Dowlada Kenya ay Jawaab ka siin weysay markii u bandhigay Habka Dowlada Federaalka ay u rabto in loo sugo Amniga Magaalada Kismaayo inta Doorashada ay socoto.Advertisement

Sarkaal ka tirsan Xafiiska Madaxweyne Farmaajo ayaa inoo sheegay in Villa Somalia ay Dowlada Kenya u bandhigtay in Amaanka Magaalada Kismaayo gaar ahaan Xarumaha Muhiimka ah lagu wareejiyo Ciidanka Itoobiya ee qeybta ka ah AMISOM.

Dowlada Kenya oo gabi ahaanba qorshahan kasoo horjeeda ayaanan u jawaabin Madaxweyne Farmaajo, waxaana hada socda Qorshe Madaxweynaha uu kaga dhaadhacsiinayo Damaciisa Ururka Midowga Afrika oo arrintan lagu wado inuu soo faragaliyo.

Kenya wxay dareensan tahay in Madaxweyne Farmaajo uu u ololeynayo sidii Ciidankooda looga saari lahaa AMISOM, waxaana ay u arkaan hadii Gacan ku heynta Kismaayo lagala wareego in meel cidlo ah ay soo istaagayaan, iyagoo dano badan ku heysta Dekada Magaalada Kismaayo.

Saraakiil ka socda Dowlada Itoobiya ayaa lagu wadaa inay tagaan Magaalada Kismaayo, iyagoo kulamo la qaadanaya Axmed Madoobe, waxaana laga yaabaa Go’aanka ay hoos ugu dhigtay in Kenya Amniga Doorashada Jubbaland ay iska wareejiso uu xiisad kale ka dhex abuuro Dowladaha Soomaaliya iyo Kenya.

LEAVE A REPLY