Xuutiyiinta Dalka Yemen oo shaaciyay qabashada Ciidamo ka tirsan Sacuudiga

Xuutiyiinta Dalka Yemen oo shaaciyay qabashada Ciidamo ka tirsan Sacuudiga

0
SHARE

Kooxda shiicada Xuutiyiinta Yemen ayaa sheegay inay nolosha ku qabteen kumanaan ka tirsan ciidamada Sacuudiga ka dib markii ay weerar xooggan ku qaadeen goob u dhow xadka  labada dal.

Afhayeen u hadlay Xuutiyiinta ayaa sheegay in saddex guuto oo ka tirsan ciidamada Sacuudiga ay is dhiibeen ka dib markii ay go’doomiyeen goobihii ay joogeen.

Waxa uu sheegay in kumanaan ciidan la qabtay qaar kalena lagu dilay iska horimaadyo ka dhacay xadka, balse saraakiisha Sacuudiga weli kama hadlin sheegashada Xuuthiyiinta.

”Howlgalkan ayaa ahaa kii ugu weynaa oo nooociisa ah tan iyo markii uu bilowday dagaalka u dhaxeeya Xuutiyiinta iyo xulafada uu Sacuudiga hogaamiyo”, ayuu yiri afhayeenka oo intaas ku daray  in ciidamada la qabtay ay ka soo muuqan doonaan Telefishinka Al Masirah ee ay maamulaan Xuutiyiinta.

LEAVE A REPLY