Home WARARKA GALMUDUG Al-Shabaab oo soo bandhigtay Shacab Maraykanku ku duqeeyey Kuunyo barow (Sawirro)

Al-Shabaab oo soo bandhigtay Shacab Maraykanku ku duqeeyey Kuunyo barow (Sawirro)

0

Faahfaahino cusub ayaa ka soo baxaya duqeyn culus oo dayuuradaha Maraykanku ku duqeeyeen degaanka Kuunyo-barow ee gobolka Sh/hoose oo ay gacanta ku hayaan Al-shabaab.

War ay si wadajir u ah u soo saareen taliska ciidamada Maraykanka ee Afrika iyo dowlada Somalia ayey ku sheegeen in duqeyn ka dhacday degaanka Kuunyo barow lagu dilay labo dagaalyahan oo ka tirsan Al-shabaab, iyagoo xusay ineysan jirin shacab wax ku noqday.

Hase ahaatee War ka soo baxay Al-shabaab ayaa lagu sheegay in duqeyntaas oo dhacday xalay maqribkii lala beegsaday guri ay degan yihiin dad shacab ah oo ku yaalla degaanka Kuunyo barow.

Al-Shabaab waxay sheegeen in dhowr gantaal ay ku dhaceen guriga, ayna ku dhaawacmeen 6 qofood oo isugu jiray 2 dumar ah iyo 4 carruur ah oo ay ka mid ahaayeen Hooyo iyo 3 carruur oo ay dhashay, kuwaasoo isbitaalka degaanka la dhigay.

Warbaahinta Al-Shabaab taageerta ayaa sidoo kale soo bandhigtay sawiro laga soo qaaday dadka dhaawacmay oo jiifa isbitaalka degaanka iyo burburka guriga ay madaafiicdu ku dhaceen.

LEAVE A REPLY

Please enter your comment!
Please enter your name here