Home WARARKA GALMUDUG Wararka Puntland oo ka hadashay Geerida Wasiir ka tirsanaa Maamulkaas

Wararka Puntland oo ka hadashay Geerida Wasiir ka tirsanaa Maamulkaas

0

Madaxweynaha Puntland Siciid Cabdullaahi Deni oo ku hadlaya magaca Xukuumadda iyo kan Shacabka Puntland, waxa uu ka tacsiyaynayaa Geerida Wasiirkii Deegaanka, Beeraha iyo Isbedelka Cimilada Puntland Ismaaciil Diiriye Gama’diid oo goordhoweyd caabuqa covid-19 ugu geeriyooday Muqdisho.

Alle ha u naxariistee Wasiir Gama’diid wuxuu ka mid ahaa aqoonyahanada Puntland, hadana ka mid ahaa xubnaha Golaha Wasiirada oo runtii shaqo wanaagsan u hayey dalka iyo dadka.

Madaxweyne Deni waxa uu tiiraanyada Geeridaasi la qaybsanayaa Goleyaasha Dowladda gaar ahaan golaha xukuumadda, shacabka Puntland,eheladii, qaraabadii, qoysaskii iyo awlaaddii uu ka baxay marxuum Wasiir Ismaaciil Diiriye Gama’diid, waxaana uu Alle uga baryayaa inuu dembigiisa dhaafo samir iyo iimaanna kasiiyo shacabka Soomaaliyeed, gaar ahaan kuwa Puntland, ehelkiisii iyo qaraabadiisiiba.

Dhinaca kale Madaxweyne Ku-xigeenka Puntland Axmed Cilmi Cismaan (Karaash) ayaa uga tacsiyeeyey guud ahaan shacabka Puntland gaar ahaan qoyskii iyo eheladii uu ka geeriyooday wasiirkii wasaarada Deegaanka iyo Isbedelka Cimilada Puntland Marxuum Ismaaciil Diiriye Gama’diid oo ku geeriyooday Magaalada Muqdisho.

“Waxaan uga tacsiyaynayaa guud ahaan shacabka Puntland gaar ahaan qoyskii iyo iyo eheladii uu ka geeriday Marxuum Ismaaciil Diiriye Gama’diid Wasiirkii Deegaanka iyo isbedelka Cimilada”.

Madaxweyne Ku-xigeenka ayaa illaahay uga baryey inuu naxariistii janno ka waraabiyo.
“Waxaan illaahay uga baryayaa inuu dembigiisii dhaafo janatul firdowsana ka waraabiyo dadkiisa iyo dalkiisa uu u shaqaynayayna samir iyo iimaan ka siiyo”.

Alle ha u Naxariistee Wasiirkii deegaanka iyo beeraha Puntland Ismaaciil Diiriye Gama’diid ayaa waxaa la sheegay in saameyn hab-dhiska neefsashada ah uu ku reebay Cudurka oo uu muddo uu la jiifay Magaalada Garoowe,waxaana uu kamid ahaa wasiiradii uu Magacaabey Madaxweyne Deni sidoo kale uu la soo Shaqeeyay Dowladii Kacaanka,isaga oo ka tirsanaa Wasaaradda Waxbarashada iyo Deeqaha Qaranka.

LEAVE A REPLY

Please enter your comment!
Please enter your name here