Maxkamadda Gobolka Mudug, qeybteeda darajada koowaad, ayaa si rasmi ah u bilowday dhagaysiga kiiska dilka naxdinta lahaa ee gaaray gabadh yar oo dhawaan lagu diley magaalada Gaalkacyo.
Kiiskaan waxaa loo haystaa haweeneydii guriga ka shaqaysan jirtay ee marxuumadda daryeeli jirtay, taas oo maalmo ka hor ay ciidamada amniga u xireen eedeymaha ka dhanka ah falka dilka ah.
Haweeneyda la eedeynayo ayaa horey baraha bulshada ku soo muqatay iyada oo tacaddi iyo jirdil ku sameynaysa marxuumadda, isla markaana uu muuqday aflagaado iyo dhibaato nafsiyeed oo ka horreysay geerida gabadha yar.
Muqaalo la baahiyay aya muujinaya edeysanaha oo ah qof dumar ah, isla markaana isdaafacaysa waxayna tilmaamaysay in aysan dilin marxuumada ,inkastoo maxkamada la horkeenay muqaaalo muujinaya tacadiga ay geysatay.
Xog ay heshay hobyomedia.com aya sheegaya in ehelada labada dhinac ay isku dayayan in kiiskan si hoose loo xaliyo, balse maxkamada iyo laamaha amaanka oo kiiska soo farogaliyay aya tilmamaya in loo baahan yahay helid cadaalad madama kiiska markan uu soo shaac baxay isla markana bulshada soonaliyed ay aad ula socdaan.
Maxkamadda ayaa bilowday dhagaysiga garmaqalka kiiska, waxaana la filayaa in la soo bandhigo caddeymo dheeri ah, iyadoo qoyska marxuumadda iyo bulshada reer Gaalkacyo ay si dhow ula socdaan hannaanka garsoorka ee kiiskan culus.
Maxkamaddu waxay ku wargelisay hay’adaha amniga in ay soo gudbiyaan dhammaan caddeymaha iyo markhaatiyaasha muhiimka ah si loo xaqiijiyo cadaaladda loo hayo geerida gabadha yar ee bulshada gilgishay. Kulan kale ayaa loo balansan yahay waxaana la qorsheynaya in maxkamada la horkeeno cadaymo cusub si maxkamada ay u gaarto go,aan kama danbeys ah. Bulshada soonaliyeed ayaa aad uga carrots dilkii loo gaystay gabadha yareed, waxaana maxkmada laga dalbanaya in marxuumada ay hesho cadaalad.
